Monday, July 12, 2021

ஒகஸ்ட் மாதத்தில் பாடசாலைகளை திறக்க நடவடிக்கை-கல்வி அமைச்சர்

ஆசிரியர்களுக்கு தடுப்பூசி செலுத்திய பின்னர் பாடசாலைகளை திறப்பதற்கு ஒகஸ்ட் மாதத்தில் ஆரம்ப நடவடிக்கைகள் எடுக்கப்படும் என கல்வி அமைச்சர் பேராசிரியர் ஜி.எல்.பீரிஸ் தெரிவித்துள்ளார்.

இன்று (திங்கட்கிழமை) பாடசாலை ஆசிரியர்கள் மற்றும் கல்விசாரா ஊழியர்களுக்கு தடுப்பூசி செலுத்தும் நிகழ்வில் கலந்து கொண்டு உரையாற்றும் போதே அமைச்சர் மேற்கண்டவாறு கூறியுள்ளார்.

கொழும்பு பிராந்தியத்தில் உள்ள அனைத்து ஆசிரியர்களுக்கும் இன்றும் நாளையும் தடுப்பூசி போடப்படும் என்றும் அமைச்சர் ஜி.எல்.பீரிஸ் தெரிவித்துள்ளார்.

நாட்டில் 242,000 ஆசிரியர்கள் உள்ளனர் என்றும் அவர்களில் பெரும்பாலோனோருக்கு ஏற்கனவே தடுப்பூசி போடப்பட்டுள்ளது என்றும் கல்வி அமைச்சர் குறிப்பிட்டுள்ளார்.

இதற்கிடையில் ஆசிரியர் மற்றும் அதிபர் சங்கங்கள் முன்னெடுத்த போராட்டத்தில் இடம்பெற்ற கைது நடவடிக்கை காரணமாக ஒன்லைன் கற்பித்தல் நடவடிக்கைகளில் இருந்து ஆசிரியர்கள் விலகியுள்ளதாக குறிப்பிடப்படுவது குறித்து கேள்வி எழுப்பப்பட்ட போது அமைச்சர் பின்வருமாறு பதிலளித்துள்ளார்.

சில ஆசிரியர்கள் மட்டுமே இன்று கற்பித்தலில் இருந்து விலக நடவடிக்கை எடுத்துள்ளதாகவும், இருப்பினும் ஒன்லைன் கல்வியைத் தொடர வேண்டும் என்றாலும் அது நிரந்தர தீர்வு அல்ல என்றும் அவர் குறிப்பிட்டுள்ளார்.

Whatsapp Button works on Mobile Device only

உங்கள் தேடலை இங்கே Type செய்யவும் !!!