Thursday, April 8, 2021

ரஞ்சன் ராமநாயக்கவின் பதவி பலவந்தமாக பறிக்கப்பட்டதாக குற்றஞ்சாட்டி எதிரணியினர் சபைக்குள் எதிர்ப்பு.

 


ஐக்கிய மக்கள் சக்தியின் கம்பஹா மாவட்ட பாராளுமன்ற உறுப்பினர் ரஞ்சன் ராமநாயக்கவின் எம்.பி பதவி பலவந்தமாகப் பறிக்கப்பட்டதாக குற்றஞ்சாட்டி எதிரணியினர் எதிர்ப்பை வெளியிட்டுள்ளனர்.

இந்த எதிர்ப்பு நடவடிக்கையால் சபை நடவடிக்கைகள் சில நிமிடங்களுக்கு ஒத்தி வைக்கப்பட்டு பின்னர் ஆரம்பிக்கப்பட்டுள்ளது.

இந்த எதிர்ப்பு நடவடிக்கையின் போது ஆளும் கட்சியின் உறுப்பினர்களுக்கும் எதிர்க்கட்சி உறுப்பினர்களுக்கும் இடையில் கடுமையான வாக்குவாதங்கள் இடம்பெற்றன.

பதற்றமான நிலையில் அமைச்சர் சமல் ராஜபக்ஷவுக்கும் எதிர்க் கட்சியின் எம்பியான பீல்ட் மார்ஷல் சரத் பொன்சேகாவுக்கும் இடையில் கடுமையான வாக்குவாதங்கள் இடம்பெற்றன.

'2010 மற்றும் 2015க்கு இடையில் நான் அன்றைய அரசாங்கத்தால் அநியாயமாக நடத்தப்பட்டேன்'. எனத் தெரிவித்த பீல்ட் மார்ஷல் சரத் பொன்சேகா தனக்கு விதிக்கப்பட்ட தேவையற்ற தண்டனையை தொடர்ந்து தன்னை பாராளுமன்றத்திற்கு செல்வதற்கு அனுமதிக்குமாறு மேல்முறையீடு செய்திருந்தேன் எனவும் கூறினார்.

இதன்போது கடுமையாக கோபமடைந்த அமைச்சர் ஒரு சமல் ராஜபக்க்ஷ 'பொன்சேகா ஒரு கழுதை. முடிந்தால் வெளியே வரவும்'.என சவால் விடுத்தார்.

இந்த எதிர்ப்பு நடவடிக்கையின்போது  எதிரணியினர் பதாதைகளை ஏந்தியிருந்தனர்.அத்துடன் கைகளிலும் கருப்பு பட்டிகளை அணிந்திருந்தனர்.


Whatsapp Button works on Mobile Device only

உங்கள் தேடலை இங்கே Type செய்யவும் !!!