Tuesday, March 9, 2021

கொழும்பை அதிரவைத்த பெண்ணின் சடலம்; தலை தொடர்பில் பொலிஸார் வெளியிட்ட தகவல்!

 


கொழும்பு டாம் வீதியில் தலை துண்டிக்கப்பட்ட நிலையில் சடலமாக மீட்கப்பட்ட பெண்ணின் தலை கொலையாளியால் எரிக்கப்பட்டிருக்கலாம் என பொலிஸார் தெரிவித்துள்ளனர்.

 

உயிரிழந்த பெண்ணின் தலையை தேடும் நடவடிக்கைகளை கொழும்பு மற்றும் மொனராகலை பகுதியைச் சேர்ந்த இரு விசேட பொலிஸ் குழுக்கள் விசாரணை நடவடிக்கைகளை மேற்கொண்டு வருகின்றனர்.

 

கொலையாளியாக கருதப்படும் உப காவல்துறை பரிசோதகர் தனது வீட்டிற்கு சென்ற தினத்தன்று இரவு அவரது அழுக்கான ஆடைகள் குளியலறையில் இருந்த நிலையில் மறுநாள் காலை அவற்றினை காணவில்லை என விசாரணையில் தெரியவந்துள்ளது.

 

நள்ளிரவு வேளையில் தனது தந்தை வீட்டிற்கு வந்ததாகவும் அதன் பின் இரவு உணவை உட்கொண்டதாகவும் பொலிஸ் பரிசோதகர் மகளிடம் மேற்கொண்ட விசாரணைகளில் தெரியவந்துள்ளது.

 

இதன் அடிப்படையில் கொலை செய்தவர் அன்றைய தினம் இரவு உணவு உட்கொண்டபின் எவருக்கும் தெரியாமல் வீட்டை விட்டு வெளியேறி இருப்பார் எனவும் அதன் பின் அவரது மகன் நிர்மாணித்துக்கொண்டிருக்கும் வீட்டிற்கு சென்று அழுக்கு உடை மற்றும் குறித்த பெண்ணின் தலை ஆகியவற்றை எரித்திருக்கலாம் என சந்தேகிப்பதாக விசாரணைகள் மேற்கொண்டு வரும் காவல்துறை குழு தெரிவித்துள்ளது.

 

தற்போது அழுக்கான ஆடைகள் மற்றும் பயணப் பொதி எரிக்கப்பட்டிருப்பதாக சந்தேகிக்கப்படும் இடத்தை கண்டுபிடித்துள்ளதோடு தலையை தேடி மேலதிக விசாரணைகளை முன்னெடுத்துள்ளதாகவும் பொலிஸார் தெரிவித்துள்ளனர்.

 

இந்நிலையில் நேற்று இரவு 10 மணி அளவில் பொது மயானத்தில் தற்கொலை செய்து கொண்ட பொலிஸ் அதிகாரியின் உடல் புதைக்கப்பட்டுள்ளது என்பதும் குறிப்பிடத்தக்கது.

 

காவல்துறை அதிகாரியின் சடலத்தை பொறுப்பேற்ற குடும்பத்தார் அதனை வீட்டினுள் வைக்காமல் அரைமணி நேரம் வெளியில் வைத்துவிட்டு இறுதி அஞ்சலி செலுத்தாமல் மத வழிபாடுகளின்றி புதைத்துள்ளதாக தெரிவிக்கப்படுகின்றது

Whatsapp Button works on Mobile Device only

உங்கள் தேடலை இங்கே Type செய்யவும் !!!