தாயாரின் தவறான உறவால் சிறுமிக்கு நேர்ந்த விபரீதம்!

புத்தளம் பகுதியில் தாயாருடன் தவறான உறவு வைத்திருந்த நபரால் 10 வயது சிறுமியொருவர் கடுமையாக பாலியல் வன்புணர்வுக்கு ஆளாகியிருப்பதாகபொலிஸார் தெரிவித்துள்ளனர்.

நேற்று முன்தினம் குறித்த சிறுமியை வைத்தியசாலைக்கு அழைத்து சென்ற தாய் தனது மகளை நாகம் சீண்டியதாக வைத்தியர்களிடம் தெரிவித்துள்ளார்.

வைத்தியசாலையில் அனுமதிக்கப்பட்டதன் பின்னர் சிறுமிக்கு அதிதீவிர சிகிச்சையளிக்கப்பட்டுள்ளது. எனினும் சிகிச்சை பலனின்றி அவர் உயிரிழந்துள்ளார்.

இந்நிலையில் சிறுமியின் மரணத்தில் சந்தேகம் காணப்படுவதாக புத்தளம் வைத்தியசாலை பொலிஸார் புத்தளம் பொலிஸாரின் பிரதான அலுவலகத்திற்கு அறிவித்துள்ளனர்.

இதனையடுத்து சிறுமியின் சடலம் நேற்று (17) உடற்கூறு பரிசோதனைக்கு உட்படுத்தப்பட்ட நிலையிலேயே சிறுமி வன்புணரப்பட்டுள்ளமை தெரிய வந்துள்ளது.

இது குறித்த மேலதிக விசாரணைகளை புத்தளம் பொலிஸார் மேற்கொண்டு வருகின்றமை குறிப்பிடத்தக்கது.