கொரோனா வைரஸை கட்டுப்படுத்த பல நாடுகளில் ஊரடங்கு அமுல்படுத்தி மக்கள் வீடுகளுக்குள்ளேயே இருக்க கூறிவரும் நிலையில் பல நிறுவனங்களும் தங்கள் ஊழியர்களை வீட்டிலிருந்தே பணிபுரிய அனுமதி வழங்கியுள்ளனர்.
இந்த நிலையில் கூகுள் நிறுவனம் தங்கள் ஊழியர்களுக்கு வீட்டில் இருந்து வேலை பார்க்கும் காலத்தை ஜூன் முதலாம் திகதி வரை நீடித்துள்ளது என்பதனை அறிய முடிகின்ற அதேவேளை தற்போது வாய்ப்பு இருப்பவர்கள் இந்த ஆண்டு முழுவதும் வீட்டிலிருந்தே வேலை செய்யலாம் எனவும் கூகுள் நிறுவனம் தெரிவித்துள்ளது.
அதேபோன்று ஜூலை 6 வரை வீட்டில் இருந்து வேலை செய்ய அனுமதி வழங்கியிருந்த பேஸ்புக் பணியாளர்களுக்கு விரும்பினால் 2020 முழுவதும் வீட்டிலிருந்தே வேலை செய்யலாம் எனவும் அறிவிக்கப்பட்டுள்ளமை குறிப்பிடத்தக்கது.
